話說今日去買電話啦....... 咁check好曬野, 搞掂打算俾錢喇喎.......
點知個sales哥哥突然o係個袋度囉左另一個nokia既手機出黎......
細細聲話...... 呢部細細部都幾好用架, 499咋麻, 好抵架...... 
初初以為佢仲乜, 心諗: 下? 我咪買左呢部成3千幾喇喎, 你兜返我買部咁平?!
跟住佢仲不停話, 你唔用, 買俾屋企人都得架喎....... 我先醒覺, 佢想我地買多部......
我地當然話唔要, 
佢又好快o係後面囉第二部出黎, 咁呢部都o岩架喎........都係幾百蚊咋麻..... 仲要不停苦苦衷求...... 
跟住我就好快咁o係個袋度囉左我部手機出黎同佢講: 
拿, 新款6500s, $2800賣俾你, 抵呀, 買啦!
佢即刻話: 我唔要啊...... 然後好無癮咁收埋o的野, 跟住打單....... 
後尾同老公講.....真係陰功, 依家賣電話都要suggest selling, 點做呀......... 但就覺得好搞笑囉, 位哥哥仔....... 好似賣出雪糕咁...... 佢sell我要杯雪糕, 我又唔拒啊!~~~ 
